Friday, June 14, 2024
Home加拿大加拿大考車牌分享

加拿大考車牌分享

始終香港路面要繁忙得多,加拿大考車相對就比較輕鬆,而小編考的是 Class 5 GDL 初級牌就更容易。考 Class 5 GDL 初級牌路試大約 30 分鐘,但跟考筆試可以 Walk In 考不同,路試需要預約時間,由於 COVID-19 關係,路試早前暫停了一段時間,所以預約路試基本上要用「搶位」來形容,教車師傅於小編考前就「警告」一定要一 Take Pass,否則 Fail 便難以短時間內再考,隨時要等多個月才再有期。

Class 初級牌 30 分鐘路試除了路面(無需上高速公路)亦會包括泊 L 位、S 位以及上落斜路泊車。路面方面其實與香港差唔多,最重要還是行人絕對優先及轉線、出路口時要睇鏡跟 Shoulder Check,另外超速就必定即 Fail,特別是見到學校、運動場等附近出現限速 30km/h 牌嘅時候便要小心。至於泊車,小編向來都不是高手,不過加拿大考泊車卻容易得多,除了不需要如香港泊 L 或 S 位般一氣呵成完成(多手軑都無問題),所謂 L 位亦可選擇用車頭入,泊車只要唔好撞路邊石壆便可以(Tip:慢速”接觸”到不算撞),同時亦可以用後車 Cam 幫手,其實應該都不大機會 Fail 泊車。

說回小編今次考牌其實有點幸運,其中小編泊完上斜位後便忘記鬆 Hand Brake 直接打燈開車,車內即時已有警告出現,小編雖然當下即時「醒水」鬆 Hand Brake,不過心感今次可能都凶多吉少。幸好個考官無剔為嚴重出錯,小編才可順利一 Take Pass。

Array
相關資訊
- Advertisment -

熱門文章