現時所有進入加拿大的旅客不論疫苗接種狀況都必須在上機或抵達加拿大邊境 24 小時前，進行快速病毒檢測，及獲得陰性報告；旅客亦可以出示 72 小時前的 PCR 檢測陰性報告。 但由4月1日開始，已完成疫苗接種（2 劑疫苗）的旅客，不再需要出示病毒檢測報告。加拿大聯邦衛生部長表示完成疫苗接種的旅客，在抵達加拿大時仍會接受隨機檢測，但在等待結果前不需要進行隔離。 至於沒有接種疫苗的旅客，在抵達時及8天後都須進行病毒檢測，並需要進行 14 天隔離。所有旅客，不論疫苗接種狀況，都必須在進入加國前，在 ArriveCAN 應用程式填報資料。

由全油車轉左 Hybrid 一個月多 D，暫時對部 RAV4 Hybrid 都幾滿意，特別係寧靜同加速，就好似去左另一個層次。由於部車用全合成偈油，廠方就建議 16,000km 先需要換第一次油。不過小編綜合唔同意見下，結論係偈油密 D 換始終係利多於弊，特別係新車過左 run in period 之後就建議換一次偈油，減少之後保養嘅問題。 與其假手於人，小編就膽粗粗決定自己動手。買齊對應嘅偈油、油隔同相關工具之後，真正動手換油其實又比想像中容易，基本上只係鬆開車底蓋，移走舊油隔再比 D 時間放清舊油，換新油隔同倒入新油就得。比較要留意嘅係完成後記得要 Run 一 Run 部車，再睇下油尺，確保油量唔好過低或過高就可以。 雖然出面揾人換油連工包料可以抵到 CAD100 有找，而今次自己換，油、Filter 連同工具價錢唔會平得幾多，不過就勝在一手一腳自己控制，又學多樣野（有聽聞出面換油，技工唔記得上緊車底蓋，最後喺路面拖爛），而且下次換油唔洗再買工具，咁就即刻回本啦。