其實唔講大家亦知，車對於加拿大人來說是必需品而唔係奢侈品，基本如去超市購物，無車的話已經相當唔方便（特別是冬天落雪的時候）。所以 settle 了住後，當然就打算買車。當時小編想，手持國際車牌買車，再慢慢考加拿大車牌亦不遲，但問了保險公司原來國際牌出車保費比 local 牌要貴雙倍有多 （超過 5000 CAD 一年，即 3 萬 HK$ 左右），考牌突然就成為了首要任務。
加拿大私家車牌分有 Class 7、Class 5 GDL 及 Class 5 non GDL 三種，Class 7 其實只是 Pass 左筆試。與香港需有教車師傅陪同才可以開車出路面不同，Class 7 只需要有一個持有 Class 5 non GDL 的人指導陪同下就可以開車，甚至上高速公路亦都可以。至於 Class 5 GDL 初級牌跟 Class 5 non GDL 高級牌的最大分別便是前者不能教 Class 7 持有人之餘，亦一定不能飲用任何酒精飲品開車，對於求牌心切嘅小編，當然就會選擇考試相對簡單容易嘅 Class 5 GDL 初級牌啦。下次再同大家分享一下學車同考車牌嘅過程。
註: 假如香港有車牌的話，可以事先到香港運輸署申請定一張名為 TD320 嘅車牌記錄證明，在加拿大 Pass 了 Class 7 筆試後就即可交香港車牌連同 TD320 給 registry office 準備考 Class 5（有國際車牌的話佢都會收起）。如此便可以節省考到 Class 7 後正常要等一年才可考 Class 5 的時間，即時可排期考 Class 5 路試。
