小編雖然已有香港車牌，不過聽朋友建議，考路試前還是決定找師傅「補鐘」。經介紹下找到一個補 8 個鐘，連考試租車為 680 CAD (約 4 千港紙）的學車師傅，路試之前五日密集式上堂，目標當然是一 Take Pass 。
有基本駕車的認知，怎樣 Start Engine、打燈、校鏡等等當然無需要重新再學，但除了要適應從右軚轉為左軚的分別，師傅說到最重要是要改變在香港開車的心態。加拿大駕車永遠以行人與單車優先，例如無燈位的行人過路處就一定不似香港行人等車停先過，而是駕駛者遠處見行人有意過路便要停。行人優先對於加拿大人是理所當然，而佢地亦對規則好有信心，小編就經常見路人於過路處過馬路時垂頭專心聽歌，而一眼無望路面便步出路口的情況，所以駕車遇到過路處就一定要打醒十二分精神。
至於單車，車輛於路面就必需同單車保持最少 5 米嘅距離。小編作為在香港亦有踩公路的單車人感受便最明顯，香港經常「比車夾」、「比車夾」甚至響咹的情況在加拿大 Calgary 這邊個人就未碰過。另外便是交通規則，如果有駕開車的話好多都好易理解，只不有 D 路牌香港未見過不過加拿大就經常出現，例如十字路口經常見到的 4-Ways Stops 路牌便指先到路口停定有優先權開出路口。試過去好繁忙嘅 4-Ways Stops 路口，真係要「金睛火眼」看緊另外 3 個路口那一部車先停，才計算到何時到自己。另外值得一提是，紅燈要停車在香港算是「常理」吧，在加拿大卻不然，即使出路口時紅燈，右轉的話是合法的，不過前提當然要先留意由左側駛來的車輛，以及是否有行人過路。
