之前提過屋內冷暖氣系統的 Air Filter 需要定期更換，轉眼間上次換完後原來已經隔了 4 個幾月，又是時候再換。單看一下顏色，都知道 Filter 有發揮作用，新舊對比之下真的可謂「黑白分明」，證明了真是時候要換。除了 Size 要對應外，選擇 Filter 最重要就是比較過濾能力，Filter 有分不同級數，當中 MPR（Microparticle Performance Rating）數字越大即越有過濾微細粒子的能力。舉例 MRP 600 以下就只可以過濾到一般塵埃或過敏原等，至於 MRP 2200 以上，除了塵、氣味、霉菌甚至細菌亦可以過濾到。
一分錢一分貨大多時候總是對的，越高 MPR 值通常亦會越貴，就如 MRP 600 規格，20 CAD 便有兩片，而選擇 MRP 2200 卻一片便要 33 CAD，但始終小編女兒還細，而且 COVID-19 大流行，貴一點小編最終都買了 MRP 2200 級數。Air Filter 算是消耗品，亦不能清洗重用，一年要換 3-4 次其實都不是細數目，疫情過去後，小編應該亦會將屋企 Filter 級數降低一點了。
